Este ano 2011 celébrase o "Ano Internacional da Química" baixo o lema: "Química: a nosa vida, o noso futuro". A resolución foi adoptada por Nacións Unidas que se propón celebrar os logros da Química e a súa contribución á humanidade.
A UNESCO e a IUPAC (International Union of Pure and Applied Chemistry) foron as institucións designadas para levar a cabo esta promoción. "O ano internacional da Química dará un empuxe á Ciencia Química, base da nosa calidade de vida e do seu futuro" dixo Jung-Il Jin, presidente da IUPAC. "Agardamos aumentar a apreciación pública e a comprensión da química, aumentar o interese da mocidade pola ciencia e xerar entusiasmo por un futuro de creatividade relacionada coa química".
Escolleuse este ano por ser o centenario do Premio Nobel de Química concedido a Marie Curie en 1911.
